حوار صحفي مع الكاتبة الجميلة: نورا سامي أحمد

حوار صحفي مقدم من جريدة حلم الواقع مع الكاتبة المبدعة:- نورا سامي أحمد

اسمك: نورا سامي أحمد 

سنك: 21

موهبتك: كتابة الخواطر 

المحافظة: الجيزة 

أكتشفت/ي موهبتك أمتى: من سنه

مين دعمك: أختي كانت بتدعمني جدا ف أول الطريق وكل ما كنت بكتب حاجه بتعجبها جدا وتخليني اكمل وهكذا بعض أصدقائي نفس الدعم واحب اشكرهم كلهم علي الدعم ده وأقول إن ممكن تعمل حاجات لوحدك بس لما يكون في ناس بتشجعك وبتدعمك ده بيسهل عليك الطريق طبعا 

هل كان في مشاكل أو عقبات في طريقك: أيوا طبعا ،أي حاجه معروف إن بدايتها صعبه والدعم بيكون قليل ،بس الدعم بيزيد لما أنت اللي تصدق فكرتك وأصدق إن ربنا حطك فيها انت علشان هي ليك انت وانت قدها ،أهم حاجه صدق نفسك وتوكل علي الله، وبرضو فقدان الشغف ف بعض الأوقات بس الفكره ازاي تتغلب عليه وتقدر تكتب ف اي وقت .

مين قدوتك: بابا أكبر قدوه ليا ف الحياة وهو أكبر داعم لأفعالي 

انجازاتك: شاركت ف كتب الكترونيه منها كتاب ملاذك المفقود وسكرات العشق نزل ف معرض الكتاب 2022 ،وايضا بعض الكتب لمؤسسه كيان ايلاف منهم كتاب هيمنه قلب ،وخواطر تبع كيان ايلاف علي جوجل 

تحب توجه شكر خاص لمين: أحب أشكر مؤسسه كيان ايلاف ندي السرساوي علي دعمها للمواهب وتوصيل كتاباتهم وأنها كانت أكبر داعم ليا ولبنات كتير ف المجال ،والكتابه راتيل سعد علي مجهودها اللي بتبذلو للارتقاء بالكتُاب وتشجيعهم وتطويرهم 

تحب تقول اى للأشخاص المبتدئين: أحب أقول أن أي حاجة ف بدايتها صعبه ولو استصعبنا الشئ من الاول لازم ناخد فيه خطوه بوعينا بصعبتو،ولكن لو استصعبنا ورجعنا تاني هيأخر طريق وصولك ودا واقع عايشينو علشان كدا لازم يكونو قدها . 

ورينا حاجة من كتاباتك: وفى خريفي جاء وسقىٰ قلبي، فأزهرتُ بجواره،كلما زاد الشوق لهُ أقبل من موضع ترحالهُ وجعل قلبي كحديقة لأزهاره،غاصت عيوني فى كل ما أُحب ولم تتردد كلماتي فى إختياره، أضاف إلى قلبي بهجة لم تكن فى إنتظاره، رفرف قلبي كالغريق في بحر أفكاره،وتاهت أفكاري في عين كل أفكاره، فأصبح صديق الروح والقلب وكلما غَاب قررت إختيارهُ.

ك/نورا الطويل

رأيك ف مؤسسة جريدة حلم الواقع: جميله جدا لانها بتدعم الشباب وبتوصل كتاباتهم ولها دور مؤثر بين الجرايد أتمنالهم دايما التوفيق. إن شاء ف تقدم باذن الله وربنا يستخدمه دايما للنفع

تحبي تقولي أي لمديرة حلم الواقع: أققولها طبعا أستمري الفكره لوحدها كويسه جدا وشباب كتير جدا كُتاب مستنين الفرصه فربنا دايما يجعل فيكم النفع وتقدرو توصلو لكل اللي بتتمنيه 🤍

مبسوطة معانا: أكيد طبعا واتشرفت بالحوار الصحفي ده معاكم جدا وان شاء الله تتكرر تاني مع انجازات تانيه أن شاء الله 

وفي النهاية نتمنى للكاتبة الجميلة "نورا سامي أحمد" دائم التفوق، والأبداع المستمر، والنجاح، وتحقيق الأحلام. 

الحوار تحت إشراف المحررة: حبيبة تامر "تاج".