حوار صحفي خاص مع الكاتبة والمديرة الخاصة بأسره حلم الواقع "حبيبة تامر"

 حوار صحفي خاص جدا مع الكاتبة المبدعة ومديرة أسره حلم الواقع:- حبيبة تامر

أولا عرفينا بنفسك: حبيبة تامر كاتبة ومديرة أسره حلم الواقع

عندك كام سنة: 14 سنة

أكتشفتي موهبتك أمتى: في 2019م

أي أعمالك: أمبرا كرون 35، الأرنب كوكي، حب ما بعد طعم الفراق، ولسه في أعمال قيد الكتابة زي: كلمات اليوث، أحببت مجنونة

شاركتي في كتب سواء إلكتروني أو ورقي (أن وجد أذكرها): شاركت في كتب إلكترونية كتير منهم: بقلم الكاتب يكون، حتى ينتهي الحبر، حواء، بهجة الحياة،في أعماق القدر ، رسالة لك، وحاجات تانية كتير وشاركت في كتابين ورقيين منهم: أحرف كُتاب، روچيندا

إنجازاتك: أكبر أنجاز هي أسره حلم الواقع، وكمان أخدت شهادات إلكترونية في مجال الكتابة وأتممت دوره كورسات في مجال الكتابة، وكنت مشرفة في عدد من الكتب الإلكترونية و مشرفة على كتاب ورقي، ليا مداونة خاصة بمجال الكتابة هنزل عليها كتاباتي، ولسه أن شاء الله هعمل أنجازات أكتر

تحبي تنصحي كاتب/ة لسه بيبدأو بـ أي: أنصح أي حد بيبدأ أي حاجة ب أن ميهتمش بالتفاعل أو بالكلام السيء والمحبط، ركز/ي على هدفك لأنك أنت/ي الداعم الوحيد لنفسك، هيجيلك لحظات أحباط و فقدان شغف شديدة جدًا وصعبة أوي بس أنت/ي قدها ولازم تعديها، مش مشاكل ولا أحباط هيهدم كل تعبك اللي بقالك شهور وممكن سنين وعمر كامل بتبنيه، أنت/ي والله قدها بس أنت/ي عافر/ي لأن مفيش حلم بيتحقق بالسهولة دي

في أي صعوبات واجهتك: الدراسة والوقت بس

هل في يوم من الأيام هتسيبي مجالك: لا ولو حصل هفضل أكتب بردو حتى لو ليا أنا 

مين دعمك: هو في ناس كتير جدًا وللحمدلله دعمتني لكن اللي دعموني من بدايتي هم، بابا أكبر داعم ليا وديما بينصحني وبيحاول ديما يحسن مني وهو ليا السند والضهر اللي بتسند عليه وبيحاول ديما لما بيجيلي أحباط أنو يبعدو عني وعمرو ما حرمني من حاجة وهو سبب في نجاحي ده ربنا يحفظة ليا ويبارك لي في عمره،وتاني حد دعمني هي أمي وأخويا وصحابي اللي هما بالنسبة ليا اكتر من الأخوات ربنا يحفظكم كلكم ليا يارب

تحبي توجهي شكر خاص لمين: لبابا وكل الداعمين ليا

بتحبي تقرأي لحد معين: لا الصراحة مفيش حد معين

هنشوف ليكي أعمال جاية في المستقبل: اه أن شاء الله ،وأنا حاليا بجهز شوية روايات وقصص هتنزل قريب بإذن الله تعالى

هل في خطط لتطوير أسره حلم الواقع: اه وحالياً بنشتغل على ده وأن شاء الله كل حاجة هتبقى تمام

تحبي تقولي أي لأعضاء الأسره: أحب أقولهم شكرًا حقيقي شكرا لكل عضو في الأسره بجد الفضل لله أولا وبعدين انتم ليكم فضل على الكيان ومنغيركم مكناش هنكون هنا 

ورينا حاجة من كتاباتك: "لا أحب أن أنتظر أحد ليأخذ بيداي للنجاح، بل أنا سوف أصنع نجاحي بيداي..".

بتفضلي تكتبي أي من الوان الأدب: بحب كل أنواع والوان الأدب لكن اللي بكتبو أكتر الخواطر

تحبي تقولي رسالة لحد: أحب أقول لأي حد، علاقتك مع ربنا لازم تتحسن أكتر وأكتر كلنا مش ملاكية وكلنا مش شياطين، وفي باب للتوبة مفتوح ليك، ربنا أولى أنك تحسن علاقتك بي قبل أي مخلوق

أي لقبك وأي سبب التسميه: تاج، لأن بصراحة الأسم حلو ولطيف 

أزاي بتنمي من موهبتك: ب أني ديما أحاول أطور من نفسي من خلال الفديوهات أو الكورسات 

وفي النهاية نتمنى للكاتبة ومديرة أسره حلم الواقع المزيد من التقدم والنجاح.

الحوار تحت إشراف المحرر: حسين تامر